The Cape Bird Club

Paarl Voelreservaat by Abraham Retief

Aanplant van bome.

Die plantegroei van die Paarl Voelreservaat bestaan hoofsaaklik uit uitheemse bome soos Port jackson Black Wattle en Bloekoms en 'n wye verskeidenheid van indringer plante en onkruide- nie juis baie aantreklik vir voels nie.

Die uitplant van 'n paar wilge bome.                                 Die aangroei is bewyslik.

Vroeg in 2007 het ek besluit om iets aan die saak te doen deur inheemse bome en struike aan te plant wat voels sal lok. Nadat die toestemming van die bestuurder verkry is, is met die aanplantingsprogram begin. Die hele projek het eintlik uit drie dele bestaan;

Opruim van die terrein
Die plekke waar ek aanplantings wou doen was oortrek met 'n digte stand van indringer struike klein Port Jackson boompies en ook groot Port Jackson bome wat in 'n brand dood is. Die groot dooie bome is afgesag en verwyder. Kleiner boompies en struike is afgeknip en verwyder of met ontkruiddoder bespruit.

Aanplant van bome
Dit het behels die maak van gate om die bome en struike in te plant, die aankoop en plant van die bome en struike en die aanbring van stutpale om die groter bome te stut.

Instandhouding
Mens is genieg om te dink dat as die bome eers geplant is die ergste agter die rug. Dit is hoegenaamd nie die geval nie. Die aanplantings moet gereeld natgegooi word en uitloper sytakkies aan die bome afgesnoei word. Daarbenewens moet die terrein gereeld met ontkruiddoder bespruit word ten einde heropkoms van onkruide te beheer. die bome wat aangeplant is, kan in twee groepe verdeel word, naamlik;

• bome wat sal ontwikel tot groot bome wat hoofsaaklik skuiling aan voels sal bied en plek om hulle neste te maak.
• bome en struike wat vruggies dra, nektar produseer of insekte lok en op die wyse voels lok.

Tot dusver is die volgende bome en groot struike aangeplant. Ons hoop dat waneer die bome groot is, dit 'n groter aantal en verskeidenheid van voels na die reservaat sal lok.